Fa hahazo hery ianareo amin'ny hilatsahan'ny Fanahy Masina aminareo, ary ho vavolombeloko hatramin'ny faran'ny tany. Asa 1:8

MANEKE HOHAVAOZIN'NY FANAHY MASINA

Katekomena

FAMINTINANA MOMBA NY FANAMBADIANA02/09/2016 14:51

Ny andininy 72-94 aoamin’ny Foto-Dalàna sy Fitsipika FJKM dia manambara fa :

  • Tsy ambaran’ny Fiangonana ho Fanambadiana kristiana ny fifanarahan’olon-droa, mba hiraisany tokantrano (tokantranomaso no hevitr’izany) ;
  • Tsy ambaran’ny Fiangonana ho Fanambadiana kristiana ny fifanarahan’olon-droa hanatanterahany ny fomban-drazana (na fombam-pianakaviana) mba hiraisany trano (vita vodiondry);
  • Tsy mbola ambaran’ny Fiangonana ho Fanambadiana kristiana ny fifanarahan’olon-droa vita vodiondry sy voasoratra ara-panjakana;
  • Fa ny Fanambadiana kristiana dia fifanarahan’olon-droa vita fombam-pianakaviana, sy voasoratra ara-panjakana ary nohamasinina tao am-Piangonana.

Ao an-trano Fiangonana ihany no hanamasinana sy hitsofandrano ny fanambadiana, ary azo atao ao anatin’ny fanompoampivavahana rehetra tontosain’ny Fiangonana izany.

LITORJIA MOMBA NY FANAMBADIANA

  1. Fidirana (lakolosy/hira/feon-javamaneno)
  2. Fiarahabana Apôstolika
  3. Fiantsoana ny anaran’ny Tompo
  4. Hira fiderana
  5. Vavaka fiderana
  6. Soratra Masina (famakiana)
  7. Hira
  8. TORITENY
  9. Feon-javamaneno/Alitara
  10. FANAMASINANA
  • Fanekena
  • Peratra
  • Fanamasinana
  • Alitara
  • Vavaka ho an’ny Mpanambady
  • Hira
  • Tsodranom-panambadiana
  1. Rakitra (hira)
  2. Vavaka nampianarin’ny Tompo
  3. TSODRANO
  4. Sonia (hira)
  5. Firavana

(fakan-tsary)